قصص وروايات

غريب احتلني قصة حوارية جميلة

قصة غريب احتلني باللهجة المصرية كتبة لنا هدير الدوهي قصة مميزة تذكر لنا فيها واقع يعيشه الكثير منا نعرضة في الفقرات التالية.

بقلم/ هدير الدوهي

غريب احتلني
غريب احتلني

غريب احتلني

صلوا علي خير الأنام دايما بحب الرسايل المجهولة الهوية مش عارفة ليه بس بتدخل علي قلبي الفرحة أكتر من رسالة مبعوتة من شخص أعرفه مهما كانت درجة قربي للشخص ده.
بيجي عليا وقت بحب أفتح الأزر أشوف الرسايل .
معظم أصحابي عارفين إني بكتب شعر فدايما يطلبوا مني أقولهم شعر بس عمر ما شخص كتب لي شعر .
في مرة كنت قاعدة زهقانة قولت أما أفتح الأزر لعل ألاقي رسالة تدخل البهجة علي قلبي .
هدير/هوه أهبل ده ولا أيه هوه ايه اللي بحبك ونفسي أتجوزك دا شكله مجنون باين كده ،أنا مش هرد عليه ولا أعبره .
وبين إني تايهة ما بين إني مليش في الهبل ده وكمان مش عايزة حد يتعلق بيا لأن دايما وجودي مؤقت محدش عارف نهاية عمره امته فخايفة أموت واللي بيحبوني يزعلوا عليا .
فدايما تلاقيني بتعصب بسرعة أو مش موجودة في التجمعات كتير عشان لما أغيب محدش يفتقدني يمكن هيه وجهة نظر غريبة شوية بس أنا عارفة كويس لما تبقي روحك في شخص وفجأة وبدون سابق إنذار يقولوا دا مات .
لا إزاي يموت دا أنا اللي مت في حزني عليه هوه عايش جوايا براجع كل يوم حواراتي مع الناس اللي سابتني وجع صعب لفراقهم ، فقررت أحسم الموضوع وأرد هدير/ أولا وعليك السلام ورحمة الله وبركاته وثانيا بقا حضرتك بتحبني ازاي وحضرتك ولا عمرك شوفتني ولا تعرفني ،وأنا مش من الناس اللي بتحط صورهم ع الفيس .
المرسل/لا أنا أعرفك كويس جدا ،وبعدين أنا محبتش شكلك أنا حابب روحك ،أنا فكيت شفرات كل كلمة بتكتبيها في اسكريبتاتك وأشعارك .
هدير/احنا هنهزر يا كابتن ولا ايه شفرات ايه احنا في أيام الفراعنة.
المرسل/أولا أنا مش كابتن ثانيا ودا الأهم لكل كلمة شفرة وميفهماش غير شخص قريب منك وبيفهمك كويس .
هدير/شكل حضرتك مجنون وأنا حياتي مش طالبة جنان .
المرسل/ما أنا مجنون فعلا بس بيكي وفيكي وليكي .
هدير/يا سلام أجيب كمانجة وأعزفلك كلماتي .
المرسل /ياريت تبقي زي الفل .
هدير/احنا هنهزر حضرتك ولا ايه .
المرسل /طب جربي كدا دا أنا حتي دمي خفيف وأنحب علي السريع .
هدير/طب علي السريع من هنا بقا بدل ما أديك البلوك التمام.
المرسل/ غريب احتلني صدقيني هعرف أوصلك مش حاجه صعبة يعني وهتحبيني أكتر ما بحبك وأكتر كمان أنا مش بس بعشقك أنا غرقان فيكي .
هدير/يا سلام يا فنان طب كات بقا واجهز للمشهد اللي بعده .
المرسل/ليه مش مقدرة حبي ليكي .
هدير/حبك ايه يا بني آدم انت .
المرسل /انت قولتي بني آدم وانت يا بركة دعاؤك يا أمي .
هدير/وربنا مجنون ما انت أكيد من سلالة البني آدمين ولا انت من سلالة القوارض مثلا .
المرسل/تصدقي دمك خفيف أوي .
هدير/هههههه ضحكتني وأنا مليش نفسي أضحك انت عيان ولا ايه .
المرسل/ضحكت يبقي قلبها مال وخلاص الفرق ما بينا اتشال .
هدير/أجيلك بقا يا عمرو دياب وقت تاني .
المرسل/اوعي تكوني بتحبيه مينفعش قلبك يحمل حب حد غيري .
هدير/هوه مين ده يا مجنون انت .
المرسل/عمرو دياب يا ست البنات.
هدير/انت مالك وهش يلا بعيد هنرش ميه .
المرسل/مش بقولك دمك خفيف.
هدير/هوه حد مسلطك عليا .
المرسل/اه قلبي.
هدير/اه جالي الضغط امشي عشان مهزقكش .
المرسل /براحتك يا ست البنات كل حاجه منك حلوة.
هدير/بارد ورخم جدا .
المرسل/عارف عارف .
هدير/طب كويس رحم الله عبدا عرف قدر نفسه .
المرسل/خلينا في المهم حدديلي ميعاد مع باباكي عشان أجي أشرب معاه شاي.
هدير/شكلك تعبان بجد روح اكشف .
المرسل /هتعب فعلا لو مكنتيش من نصيبي ، غريب احتلني اه لو تعرفي انت غالية علي قلبي ازاي يا دورا ،عارف انك بتحبي الدلع ده .
شاهد: قصة طير
هدير/وعرفت منين حضرتك .
المرسل/أنا طيفك الغايب يا ست البنات.
هدير/………
المرسل/مش بتردي ليه .
هدير/المجنون محدش بيرد عليه .
المرسل/مجنونك يا ست البنات.
هدير/بص حضرتك لازم تتساني ومتعلقش نفسك بيا
المرسل/أنا حر في قلبي يا ستي
هدير/وأنا كمان حرة في قلبي .
المرسل/لا مش حرة قلبك دا ملكي أنا ومتقوليش كدا تاني أحسن ليكي .
هدير/مبخافش علي فكرة وسلام .
المرسل/هنتقابل قريب متقلقيش .
هدير/العب بعيد يا شاطر .
المرسل /خدتي عليا أوي وخليكي فاكرة اني مجنون بيكي .
بعد أسبوع :
هدير/خليه قاعد يكلم نفسه بقا برضه مش هرظ عليه أنا حاولت أفهمه وهوه مش راضي .
والدة هدير/ غريب احتلني بيقولك باباكي اجهزي عشان الشاب اللي جاي يتقدملك النهاردة الساعة 8الشاب زمانه زهق كل يوم يكلم بابا عليكي.
هدير/والله محدش ضربه علي ايده ويبقي يقعد مع نفسه بقا ،يا ماما ردي عليا رايحة فين .
ماما/بلا ماما بلا زفت بقا اقعدي معاه مش هتخسري حاجه .
هدير/يعني أموتلكم نفسي يعني.
الساعة 9:
بابا/يلا يا هدير الشاب قاعد بقاله ساعة وبلاش داء العصبية ده أنا هقعد قصادكم هنا اتفضلي .
هدير/السلام عليكم .
الشاب/وعليكي وعلي قلبك السلام ، غريب احتلني أحب أعرفك بنفسي أنا خذيفة اللي بتقدملك كل يوم ،أنا اللي فكيت شفرات كلامك ،أنا اللي قلبك ملكي .
هدير/بتقول ايه انت يا بابا تعالي .
حذيفة/اهدي بس واسمعيني .
هدير/هوه إزاي حد يصر علي حد كده ويتمسك فيه بكل قوته ، غريب احتلني أنا خايفة يكسر قلبي ، غريب احتلني بس المجنون طلع اسمه حذيفة اسم حبيبي الخيالي خلاص أنا هقوله دلوقتي زوجتك نفسي عشان خاطر اسمه بس .
حذيفة/عارف إنك بتحبي اسمي أوي ومتخافيش مش هكسرك أنا هرمم اللي انكسر بس .
هدير/ايه بتقول ايه .
حذيفة /لا متبلميش كده أنا بفهمك من غير ما تتكلمي .
هدير/زوجتك نفسي .
حذيفة/وبتقولي عليه أنا اللي مجنون دا انت معاكي شهادة طب اتكسفي طيب .
هدير/مش عجبك طلقني .
حذيفة/يا شيخة اتلهي دا انت طلعتي عيني علي ما وافقتي تقعدي معايا .
هدير/خلاص روح اتجوز اللي بتنكسف بقا .
حذيفة/لا أنا عايزك انت يا مجنونتي .
هدير/أنا مش مجنونة .
حذيفة/انت مجنونتي أنا راضي .
وكأنك عين قلبي التي أري بها العالم من حولي .
هدير/ غريب احتلني لم تكن ابتسامة صادقة فحسب بل كانت انتفاضة قلب بأكمله في حضرة وجوده فدام هو ودام وجوده المبهج .
حذيفة/حلاوتك !!
هدير/بلدي أوي .
حذيفة/قومي يا هدير نادي باباكي نحدد ميعاد الفرح
هدير/فرح ايه يا مجنون
حذيفة /فرحنا يا بنت قلبي .
وعيناكي ملاذي ومسكني ♥
اسكريبت هدير وحذيفة رقم1

تابعنا على أخبار جوجل
زر الذهاب إلى الأعلى
error: Content is protected !!