داوا وجع الفراق قصة حزينة

جيالي وبتشكيلي وجع قلبها وبقت من كتر الحزن باين انها اكبر من سنها عنيها ال بقت منفخة من كتر العياط قلبها ال من كتر الحزن بقي بهتان حياتها ال بقت جحيم من بعد الفراق……….

قالت: خلاص نساني وحب غير بعد ما كان هوا وتيني

بقيت من بعده مش عارفه اعيش اديت قلبي هدية ليه

سابني ومشي وبقي الوجع خلاص نصيبي قولت هنساه بس كل شئ بيفكرني بيه اخر مرة كلمته فيها وسألته مش بترد ليه رد وقالي اسف مضطر هبعد معتش في قلبي حاجه ليكي كمل وقال بحب غيرك معلش سامحيني رديت وقلت يعني خلاص مبقتش فارقه معاك! مش هوحشك! طب دموع عيوني مش هتوجعك! لدرجة دي ههون عليك! طب فين حب بتاع زمان! طب مش فاكر وعدك ليا يوم ماقلت مستحيل اسيب؟! يوم ماقلتلي مش هيبيع يوم ماقلت مفيش فراق ولا عمري قلبي لغيرك اديه؟!

لدرجة دي ههون عليك؟! مردش عليا من بعدها ماهوا خلاص اكتفي…

_ عايش حياتة ولا انا في باله مهوا بقي خلاص نساني بسبب داوا وجع الفراق

كانت بتبكي يانن عيني ومن كتر البكا جف الدمع ال في عنيها:

_جايه بس وطالبة الدوا لقلبي وعشمانة في اني القيه عندك

هقولك حاجة بس ياريت تفهمي ال فيها

بصي ياست البنات وجودة لو بقي كان هيبقي الوجع اكتر اكمن رب الخير مش بيأتي إلا بالخير هقولك بس ايه كده وعوزاكي تركزي فيها *”وَعَسي أَنْ تَكْرَهُوا شَيئاً وهوا خَيْرٌ لَكُمْ وَعَسَي ان تُحِبُوٱ شَيئاً وهوا شَرٌ* يعني وجوده مكنش خير ممكن نحب حاجة ويبقي نفسنا فيها وسعت اما تحصل نقول ياريت ماكانا اتمننها احنا منعرفش الخير لنا فين؟!

لاكن ربنا ال بيختار لينا الخير وبيقدر الأسباب للمسببات علشان يحصل ال كان المفروض انه يحصل لو هنفرض انكم كملتوا واتجوزتوا وحصل مشاكل مابنكم بعد الجواز ولقيتي ان معاملته بقت وحشة معاكي وبقي بيهينك وحبه ليكي معتش موجود معاملته اتغيرت معاكي سعتها هيكون اي ال افضل ليكي؟! افرض ال حصل ده حصل بعد الجواز هتتمني اي سعتها!؟ اكيد هتقولي ياريته حصل قبل الجواز ومحصلش دلوقتي يارتني عرفت حقيقته قبل الجواز وبعدت.

شاهد: سفينة في عرض البحر

بصي هقولك ملخص كله ده حاجه اسمعا *الرضا* ياستي ارضي ثقي في ربنا كده وسلمي امورك ليه وفوضي امورك لله تعرفي ان سبب التعاسة دي انك علقتي سعادتك بغير ربنا؟؟ اها والله ممكن جوزاك ليه كان هيبقي سر تعاستك في الدنيا مش هيبقي سعاده اتركي حبه لله وانسيه بردو لله علقي قلبك بربك وصدقاَ هتنسيه صدقا هيعوضك وسعت مايجي عوض ربنا هينسيكي ال فقدتيه “ان عوض الله إذا حل انساك مافقدت”

ابدأي من جديد وقولي هتقدري انا عارفه ان نسيانه صعب بس مش مستحيل مفيش حاجه مستحيلة حبي ربنا وربنا هينسيكي حبك ليه وهيعوضك بالي احسن منه بكتيير قومي كده دلوقتي اتوضي وصلي ركعتين بينية التوبة من اي حاجه فاتت وقولي يارب سلمت امري ليك قولي يارب استودعتك نفسي وقلبي استودعتك حياتي وصدقيني هترتاحي

_ مغلطتش بردو اما قلت اني عشمانة الاقي الدوا عندك

انتهت قصة داوا وجع الفراق.