قصص وروايات

طير قصة حوارية(اسكريبت) باللهجة المصرية تتلمس الرومانسية

طير قصة حوارية(اسكريبت) باللهجة المصرية تتلمس الرومانسية بين أحرفها جائت لنا تحمل اسمي المعاني في كل أحداث القصة

كتبتها لنا/ هاجر أبو الحسن

طير
طير

قصة طير

مبحبهووووش ي ماما ومش هحبه ولا هتعود عليه والحب مبيجيش بالتعود لا.
_ي حببتي دا طيب وابن اصول ،جربي بس اسمعيه ولو مره ، دا ي حبه عيني بيقولي انا هستني تسمعني ولو هستنيها سنين.
*علشان ملزق وبارد وعارف اني مش عاوزاه ومصر اننا نكمل.
_لأ علشان بيحبك بجد.
* برضو لأ قلبي مش قابله ي ماما،دقه القلب ملقتهاش لما كلمتيني عنه،هو اه كويس بس مش لايق علي قلبي،هو يستاهل قلب جديد بعلبته مش قلب اتبهدل واتمرمط ومكسر ومتدشدش الف حته وحته وكل حته فيها وجع مختلف..لأ ي ماما كلامي مش هيتغير وي ريت تبلغيه بيه علشان مش مستحمله كل الضغط ده والله..
_اوعي تفتكري اني مش حاسه بوجعك ،بس ي قلب ماما ،احنا نتوجع اه عالناس اللي تستاهل ،اما اللي ميستاهلوناش ملهمش بربع جنيه وجع عندنا..
*حسيت كلامها زي قلم علي وشي فوقني ،زي مكون سرحانه لوقت طويل وشارده وصوت واقع صحاني ،محبتش دا يبان قدامها،بس انا ده كان واضح ليا زي الشمس،حسيت كأن كل حاجه برسمها علشان تداري بأستيكه ومسحتها بكلامها،وظهر ندبه وجع كبيره فقلبي…
_منار !انتي وصيه ابوكي بعد ممات اللي يرحمه ،قالي متجبرهاش علي حاجه ،الله يرحمه كان مدلعك ،وهو حبيبي مش هكسر كلمته،فلو انتي يبنتي مش موافقه للدرجه دي ،انا هقوله ويحصل اللي يحصل،بس كل اللي صعبان عليا الواد ي حبه عيني لما يعرف….
مكنتش معاها ولا سمعت حتي كلامها ،كل اللي بفكر فيه هي ازاي شالت كل اللي بحاول اخفيه من وجعي ورا الضحك والهزار وغيره ،شالته بجمله واحده وبسهوله كده،يمكن علشان وجعنا اقوي من اننا نداريه ،او يمكن المشكله فاننا بنحاول نداري ونتخبي مبنواجهش ، يمكن علشان اتعودنا نسكت فالوقت اللي مفروض نقول كل حاجه وجعانا،او رضينا بأدوار مكنتش لينا من البدايه.
_منار !انتي معايا !!
*ايوه ي ماما معاكي معاكي.
_فين معايا ده انا بكلمك وانتي ولا هنا سرحتي فايه..
*لأ ي ماما ولا حاجه انا سمعاكي
_عالعموم ي حببتي زي متحبي
*ربنا يحفظك ليا ي نوال ي قمر انتي ..
_بتحبيني كده!طب وافقي ان مصطفي يجي عندنا…
*علشان خاطرك بس افكر ي ست الكل.
_يعني اكلمه!؟
*انا بقول افكر مش وافقت…..
_ربنا يهديكي يبنت جمال..
*ايوووه كده تعجبيني ي ست الكل ،ادعيلي انتي بس ومتشغليش بالك..
_حاضر ي بنتي هو انا ليا غيرك،اما اروح احضر الغدا
*فتحت اللاب يمكن الاقي رساله منه ، وبرضو مش هيبعت ،لثانيه حسيت اني مستنيه وهم ،وانه مكنش حب اللي بيني وبين علي،كانت مراهقه اي كان اسمها،اصل الحب مفهوش غرور ،ولا سي سيد وامينه تحكمات فارغه،ولا حتي شكوك وحشه كلامها بيوجع وينهش فالروح.الحب ابعد ما يكون عن كل ده ،حاجه انقي من كل ده…بعدها بثواني جاتلي رساله من البيست اللي هتموت وتجوزني علشان بس تلبس فستان…
_بقولك متيجي ننزل ي عره البيستات انتي!
*مشفتش فرومانسيتها معايا ،حاجه كده تسد نفسك عن كل رومانسيه الدنيا كلها،بس انا حقيقي بحبها معرفش من غيرها كنت هبكي لمين وانكد علي مين ،مستحملاني بصراحه ويارب مموتهاش مشلوله،.
_هااا هتيجي ولا اجي اخدك بالعافيه!؟
*لاااااا،نازله بصي هلبس الشبشب ونازله..عالساعه سته نتقابل..
_هنروح علي فين ي طير؟!
*مسمياني طير ،معرفش يمكن علشان بحب اروح كل مره فمكان مختلف ،متعشمه انه يخطف روحي المحبوسه،او يمكن علشان بحب الحريه ،مش الانفتاح ،بس هي حريه زي الطير تمام،هو اسم عجيب شويه بس من جوايا حباه جدااااا..
_هنروح عالشط ،ونشرب قهوه ،وناكل ايس كريم ،ونتكلم فكلام ملوش لازمه ،وناخد قرارات تافهه..
*يارتني مسألت؛اه حببتي مش عايزه DVDبالمره.
_بس ي ام الغلاسه .هتروحي ولا لأ..
*جايه ،هو انا مقطعه الخروجات يعني ،اهو اي حاجه لحسن بقيت اكلم نفسي فالمرايه ..

أجزاء قصة طير

مش عارفه يمكن بكون أنانيه لما بروح عالشط ،انا مبروحش علشان اخرج وبس ،لأ انا بحب الشط ،علاقه كده زي دكتور نفسي وحاله عنده ،بروح وبحكيله ،ومبسمعهوش ،يمكن علشان مبقتش قادره اسمع حد خلاص ،مبقتش مستنيه كلام يغير حالتي مثلا، عايزه اخرج من صمت بس بدون تكاليف،بدون كلام يوجع ويقطم فيك ويغلطك،او حتي بدون طلب مبررات للتصرفات دي،ملقتش غيره بيسمع وبحسه بيمحي اللي بيسمعه بموجاته العاليه ،كلامي بيسافر بعيييييد ،فبحس اني خلصت منه.
*هاااا،يعم السرحانه ،كل منيجي تسرحي كده،انا حاسه اني شفافه جمبك …هو البحر حلو اوي كده؟!
_اووووي ي سلمي بجد .
*احم احم!عايزه اكلمم فموضوع وخايفه منك ….
_انتي بتخافي انتي دا انتي بتخوفي؛دنا بخاف اقعد جمبك وانتي بتاكلي بخاف تحلي بيا،قولي.
*كده ي طير ،مكنوش خمس ست سبع وجبات فاليوم ،وبيبسي دايت..
_بيبسي دايت ،هموت واشفلك اراده زي البنات وتقولي اخس …
*لأ من كلتها!…
_هي مين دي !؟
*الإراده…
_ياااارب هتشاااال..
*المهم بس،مش موافقه ليه عالعريس ي بومه هااا،ولا هنعنس كده كتير،والفستان اللي هموت والبسه، حمضت اناااا ،هفضل مستنيه كتييير،وربنا ان موافقتي لروح اقوله انا هي موافقه…بصي كمان وهجيب المأذون وانا جيباه فايدي !!
_ي سلمي حتي انتي اللي بقول هتفهمني،هتعملي زي ماما !
*طنط عندها حق ي منار ، الشاب كويس وبيحبك ، وموافق يستني سنين،جربي واديله فرصه ،وبصراحه كده انا مكنتش حابه اجرحك ولا افتح موضوع علي معاكي ،بس علي خلاص سابك ومش راجع،مكنش راجل ،عشمك ومشي،فلت ايدك بحجه الظروف،هتستني وهم ،دا لو رجع حتي انتي اللي تقولي لأ،احنا لينا قلب ومن حقه نراعيه شويه ،مش يبقي احنا والناس والدنيا !!جربي واديله فرصه،حتي عشان صحبتك اللي هتموت وتجرب الميكب ارتست اللي مسيفاهم ولا كأني فرحها بكره،..
_كل حاجه حواليا ،بتعريني قدام نفسي،والاوحش من كده انه قدام اضعف حاجه فيا،قلبي.
يمكن هي وماما عندهم حق،بس انا لسه بحاول اقوم ،مش مستعده اظلم حد معايا،ذنبه ايه يشوف كل السواد اللي جوايا ده،ذنبه ايه يعيش مع وحده قلبها حد جربه ورماه،بحس اني باجي علي نفسي مع الكل ،وان عقابي ليها قاسي اوي،سواء بالكلام او بالتأنيب ده،بس كله مكنش بايدي ،كنت عيله ماشيه ورا قلب محتاج شويه مشاعر من اي حد وخلاص ،حاجه تعوضني، مشاعر بابا اللي ضاعت،اي حنيه وخلاص بدون ذره تفكير بعقلي،..كنت ساذجه وبعترف..بس ليه فعلا مدهوش فرصه….
*مناااااااااار!! ي بنتي ردي علي امي بقا..
_هاا،معاكي ي سلمي ،سرحت شويه …
*دول شويات؛عالعموم فكري فكلامي انا ومامتك كويس .
_سلمي محتاجه اتمشي عالشط شويه مع نفسي.متزعليش مني بس انا محتاجه ده حقيقي.
*ولا يهمك ي روحي ،بس انتي كويسه طيب؟!
_اه كويسه بس محتاجه اكون وحدي!
*خلاص ماشي اروح انا بقا..
_مريحه اوي فكره ان انتيمك اللي بيشاركك كل حاجه ،يحترم خصوصيتك،ويفهم ان مش معني انك عاوز تكون مع نفسك فتره شئ بيبعدك عنه بل بالعكس بيدعمك فده،ودا شئ مريحني جدا فسلمي ،عمرها مفهمت ده بشكل غلط مني ، حلوه اوي العلاقات المريحه اللي زي دي مفهاش ضغط مفهاش تبريرات ومفهاش عتاب كتير بيشيل مشاعر وحشه جوانا،حلوه البساطه،والبساطه يعني سلمي وبس..

الجزء الثاني قصة طير

رغم ان طلبت اكون لوحدي الا ان كنت محتاجه اللي يجي يطلعني من الوحده دي ،مش باي طريقه لأ ،بطريقه بفكر بيها انا ومحتجاها انا،بس ازاي محدش بيعرف ايه اللي جواك الا اذا قررت انت تبوح بيه….بس لعل وعسي.
_ياا طير !! انت هنا كنت متأكد اني هلاقيك هنا؟
*مين حضرتك وعرفت طير اذاي؟
_سمعته من صحبتك ام صوت عالي ،فضحتك مش كده!
*حضرتك دا عيب جدا عفكره ،انت كنت بتتصنت علينا وبعدين مين اداك الحق تناديني كده!!!
_بعتذر اولا انا سمعت غصب عني مكنتش اقصد؛بس حسيت اني محتاج اسمعك!
*وانت مين اصلا علشان تسمعني ،عن اذن حضرتك،حتي الشوارع بقت بتتدخل فخصوصيات الواحد اعوذ بالله.
_بتبرطمي تقولي ايه؟
*ولا حاجه !
_مشيت شويه وحسيت اني محتاجه ارجع،مش عارفه ليه ،دا غريب عني انا هحكيله اي بس انتي غبيه يبنتي …
*”هترجعي ي طير ” سمعته بيقولها كان بيكلم نفسه ،مكنش قاصد يسمعني ،بس انا سمعتها ،كأنه بيأكدلي الحاجه الملحه جوايا اني ارجع واحكي،مش عارفه جبت منين الجرأه اني ارجع تاني ،او حتي اطمن لغريب بالشكل ده، بس رجعت!
_احم!مش هدايقك لو قعدت صح!
*اكيد انا عاوز اسمع!
_طب انا معرفش اسمك حتي!
*مش مهم احيانا بيكون الخير اننا منعرفش كل حاجه باصرار مننا ،واحيانا اكتر بيكون افضل اننا نستني لغايه وقتها!
_اي ده هو فيلسوف ولا ايه،ايه الغموض ده!!
*رغم اني مش فاهمه ولا كلمه بس هو باين انه كلام عميق ومعناه حلو .
_ولا عميق ولا حاجه هتفهميه بعدين ،ها احكي !
*هو طبيعي اللي بيحصل!قاعده مع حد معرفوش علي شط البحر زي الحبيبه وانا اصلا اول مره اشوفه ،غبيه ي منار عليا الطلاج غبيه وهتودي نفسك فداهيه..
_أن..أناا قايمه اروح!
*ليه بس متخافيش ،لو عاوز اخوفك او اعمل حاجه وحشه كنت خطفتك ولو اني صعب اخطف حد بس كنت هجازف….
_هو ليه الوجع جوانا مبيمشيش بالوقت زي مبيقولوا !جاوبني بما انك فيلسوف بقا بس ياريت كلام يتفهم ،فهمي علي قدي بلاش كلامك اللي شبه الكوجنو فكليتي دا …
*مش يمكن علشان احنا ربطنا كل حاجه حوالينا بالوجع ده،بنفكر كتير فيه،واخد مساحه كبيره من حياتنا، بأيدينا نفضل محبوسين جوا وجعنا ،وبأدينا نطلع،محدش سجان للحزن جوانا غيرنا..فهماني
_اه ..اه فهمتك ،هو ممكن ناس نشوفهم مره واحده صدفه ،تقدر الدنيا تهادينا نفس الصدفه تاني!؟ ،سرحت مع نفسي وكان كلامه كأنه بيقولي فوقي او مفيش حاجه تستاهل ده كله ،رغم اني معرفوش بس فهمت فعلا كلامه بعدين،ناس غريبه بألف عمر من ناس عايشه معانا….
*ممكن اسالك سؤال!؟
_اتفضل ،تفتكري ربنا خلقنا علشان نعيش الوجع عمر بحاله!؟
*لأ طبعا “ان بعد العسر يسر اكيد”.
اي ده هو بيخليني اجاوب نفسي ،انا تهت ،لأ انا خايفه منه،أنا بخاف من اللي بيقرا اللي جوايا،انا بتعلق بالجزء الروحاني فالعلاقات ده،
_أنا اسفه مضطره امشي اتأخرت عالبيت..
*هنتقابل تاني ي طير!
_كنت فكره بيسألني ،بس لأ عيونه كانت بتأكدلي انه بيوصلي المعلومه مش بيسأل..
*جريت وانا عايزه اخبي مخي علشان ميفتكرهوش ،يمكن علشان متأكده ان استحاله اشوفه تاني،او خفت من قصه جديده القديمه لسه جرحها بيلم،المهم اني هربت،بس بيني وبين نفسي انا سجنت نفسي جواه منغير معرف،قررت ابلغ ماما ان مصطفي يجيلنا بكره،كانت محاوله مني اهرب من كل مسارات التفكير دي…ومش عارفه هتنفع ولا هرجع لسجن قلبي تاني..!
_بجد ي منار موافقه؟!
*اه والله ي ست الكل بس هي مجرد مقابله ،انا لسه موافقتش عليه.
_اكيد.طبعا مش هجبرك ،دا جواز ي بنتي.
*فرحه ماما لما بلغتها هدت اللي جوايا شويه،حسيت ان ابتديت اشوف صح، المهم اني نمت وبعد فتره وانا مطمنه ودا لوحده حاجه مبشره ليا..
_مصطفي جاي الساعه سبعه ،هتلبسي اي ي عروستنا!؟
*اي حاجه ي ماما .
_لأ اذاي بس انتي عروسه ولازم تتدلعي،..
*حاضر ي ماما،هي متعرفش اني بعمل كل ده عشانها،يمكن اه علشان نفسي شويه،بس في شعور بيقولي اني ماشيه صح،حتي لو هرفض..
_ايوه ي طير ،اهو يعم بلبس وجيالك.
*بس تيجي ي سلمي هو ده اللي من اول الصبح ،اخلصي ي زفته انا محضرتش هلبس ايه ،وماما بتزن عليا هنا،نفسي تلتزمي بمعاد مره ي مهزءه..
_اهو بلبس الكوتشي.
*اااه عرفاها دي كده العريس هيستني سنه كمان!؟
_لأ بجد بلبس الكوتشي ونازله سلام.
*ايه رايكم ؟!
_الله ،ايه الجمال ده ،طب والله لايقه عليكي الابهه ي فوزيه
*اتلمي ي زفته ،ايه رأيك ي ماما ي حببتي.
_قمر ي منوره زي طير،بس ي بت ي سلمي هي طول عمرها قمر اصلا
*طبعااااا ي طنط القرد فعين امه بقا
_يلا ي مهزءه بره الاوضه انا غلطانه
*دول شكلهم هما ،اروح افتح بقا
_ماشي ي ماما ،شويه وهاجي وراكي
*خايفه ي سلمي ،دا شعور زي زنقه الفاينل بالظبط ولو اننا مبنخافش بس دا بيخوف..
_اصل هوا كلب هيعضك!
*كلب يلهفك ،عمرك متحسي بيا ،اشوفك مزنوقه زنقتي قادر يكريم..
_ياااااااااارب!..
*اي دااااه هو انت،يخربيتك اي اللي جابك هنا ،اقصد مين ،يعني انت امبارح!
_للحظه حسيت ان الكل بيبصلي ،قمت واخده دريسي فايدي وجاريه عالاوضه ،وسيباهم بيضحكوا..
*اي دااااااه ،سلمي الحقيني ،ده نفس الشاب اللي قعدت معاه امبارح ..
_اوعاااااا ،وهتلعب معانااا ي جاااامد
*اتنيلي دنا حكيت وبهدلت الدنيا امبارح ،انا مكثوفه اوي.
_رجعت تاني زي الهبله ،وكل اللي قاعدين مش فاهمين التوحد اللي حاصلي ده ،بس ولا يهزني انا استرونج ،لا انا عايزه
اعيط..
*مصطفي ،هو انت ،..أن أنا بحبك
مش قلتلك هنتقابل تاني يطير.
إلي هنا انتهت قصة طير نتمني ا، تكون نالت إعجابكم.

زر الذهاب إلى الأعلى
error: Content is protected !!