رواية خانني ولكن

_ أنا محتاره مش عارفه أعمل أي، مبقتش عارفه أنا بحبه لسه وعاوزه يكون نصيبي ولا مبقتش عوزاه أنا متلخبطه والعذاب دا أكبر بكتير من عذاب فُراقه عني، مش عارفه أعمل أي

= مش عارفه أقولك أي، بس ممكن تصلي استخاره وتدعي بأنه لو خير ليكي يقربه منك أو يديكي أي إشاره ولو شر يبعده عنك أكيد ربنا هيختارلك الخير وهو أدري بمصلحتك

_ حاضر هعمل كدا أول أما أروح علي طول، أنا هروح بقي عشان اتأخرت وأشوفك بكره

= طب خلي بالك من نفسك

_ أعرفكم بنفسي أنا نبأ ف 3 أعلام عايشه ف القاهره بعيد عن أهلي عشان كليتي، أنا من المنصوره وبحب واحد أو مش بحبه مش عارفه يعني، كنت بحبه هو أكبر مني بسنه ف صيدله، حبيته تلت سنين وأعترفتله بحُبي بعد سنه صداقه بينا وطبعا هو اللي أعترفلي بحُبه الأول مش أنا..وهمني بحُبه الزايف وأني غير كُل البنات اللي عرفهم وفضل معيشني ف أجمل وهم ف حياتي، كنت سازجه ازاي ومصدقاه مش عارفه لكن هو مثل الدور بأتقان عرف يحسسني أني أجمل بنت ف الكون وقدر يخليني أحب نفسي وقدر يحسسني أنه بيحبني بجد أي بنت مكاني كانت وقعت ف حُبه باهتمامه الزايد دا، أنا مش هنكر أنه عمل عشاني حلو كتير لكن الوحش بتاعه غطي علي كُل الحلو بتاعه، بعد أربع شهور من أرتباطنا أكشفت خيانته ليا وأنه بيكلم غيري ودي كانت بداية الصدمه

*Flash Back*

_ وريني فونك كدا

= لا

_ لي مخبي عليا حاجه ومش عاوزني أشوفها!

= قولت لا يا نبأ خلاص بقي

_ زين وريني الفون

قطعت كلامنا صوت مسدج بص ف الفون ولقيت وشه جاب ميت لون وبصلي وبلع ريئه كأنه قتل قتيل

أي وشك جاب ألوان كدا لي!

= ها مفيش حاجه ماما تعبانه شويه بس

_ طب هات وريني كدا أصل مش مصدقه، وشديت الفون منه لقيت مسدج من بنت بتقوله هنتقابل أمتي!

حسيت أن قلبي بيطلع نار ووجع فظيع فيه وعيوني أتملت دموع، أنتَ بتخوني يا زين؟!

= أنتِ فاهمه غلط والله

_ متحلفيش بالله، أسم ربنا ميجيش علي لسانك لأنك كدا كداب

= طب أستني هفهمك كُل حاجه

_ سمعاك فهمني

= أنا بكلم بنات ومش واحده بس لا كتير أوي لكن وربي ولا واحده فيهم بيني وبينها أي حاجه كلهم صحابي ومبحبش غيرك وعاوزك أنتِ وبس

_ أنا فضلت قاعده بسمع كلامه ومش مستوعبه هو بيقول أي ودموعي مغرقه وشي وحسيت أني بردانه مع أن أحنا ف عز الحر، بس حسيت أنا قلبي للحظه برد بعد ما كان حاسس بدفي

= سامحيني أنا أسف بطلي تعيطي ميهونش عليا دموعك دي

_ دموعي، ومتهونش؟! أنتَ لسه بتمثل عليا

= مش بمثل أنا بحبك

_ بطل تكدب بقي

= والله بحبك

شاهد: وراء كل عتمةٍ نور

_ قولتلك بطل تكدب بطل بقي كفايه سبني ف حالي، أنا عملتلك أي وحش عشان تعمل فيا كدا عُمر ما كنت وحشه معاك من يوم ما عرفتك دايماً كنت بتبعد عني وتسبني ف عز أحتياجي ليك وترجع وأنا زي الهبله أرجعلك وكأن شئ لم يكن كنت تكلمني بأسلوب مفيش بني أدم يستحمله وكنت بتحمل وأعدي عملت كُل حاجه عشان أرضيك وأرضي غرورك لكن أنتَ أناني يا زين، مشيت وسبته وأنا مُنهاره ومش قادره أبطل عايط بقيت شايفه كُل حاجه طشاش محستش بنفسي غير وصوت راجل بيقولي أوعي يا أنسه فوقت وأنا ف المستشفي على صوت واحد بيقول هي بخير متقلقوش

= أنا جنبك يا نبأ متخافيش

_ طلعوه برا مش عاوزه أشوفه ولا أسمع صوته

– أهدي يا حبيبتي أنا معاكي

_ خليه يمشي يا ورد مش طيقاه هو السبب أصلا هو السبب بكرهك

– أمشي يا زين الوقتي وشويه وهطمنك عليها

خلاص هو مشي أهو ممكن تهدي بقي وتفهميني حصل أي

_ بيخوني

– زين!

_ مستغربه لي، أيوه بيخوني

– مش مصدقه

_ لا صدقي أنا شوفت بعيني وهو أعترف بكُل حاجه

– طب خلاص ممكن تهدي وكُل حاجه هتكون بخير

° ها عامله أي الوقتي

_ الحمدلله يا دكتور حاسه نفسي أحسن

° شكلك بقي أحسن أصلا هنعمل شوية فحوصات كدا وإنشاء الله أكتبلك بكره علي خروج

– يعني هي كويسه يا دكتور

° ما هي زي الفل قدامك أهي

_ أي يا ورد عوزاني أموت يعني

– مش بطمن عليكي يا غبيه

° طب هسيبكوا اتخانقوا سوا بقي

– بت يا نبأ

_ امم

– لا ردي عليا عدل مالك مش طيقاني كدا

_ أرغي

– الدكتور دا مُز أخر حاجه

_ مُز أخر حاجه، لسه حد بيقول أخر حاجه دي أنتِ قديمه أوي

– يارب بقي مش هخلص منها ومن تريقتها، يا بنتي أنتِ تعبانه لو ملاحظه يعني ف بطلي تريقه شويه

_ أتحرق

– أولعي ولا أنتِ حُره بس المهم الدكتور دا هيطلع من عيني وباين عليه مُعجب بيكي

_ لا أنتِ هبله بقي

– أنتِ مش شايفه بيعاملك ازاي

_ مريضه عنده ودا لازم يكون أسلوبه معايا

– بس عيونه فضحاه

_ بس أخرسي، أنتِ عرفتي ماما أن حصل حاجه

– لا

_ أحسن برضو لو رنت عليا هتعرف من صوتي أن ف حاجه ردي عليها أنتِ وقوليلها أنك بايته معايا وأنا نايمه

– حاضر

_ نمت وصحيت تاني يوم الدكتور كتبلي علي خروج وروحت بيتي وسريري كانوا واحشني أوي

*Back*

_ قطع سرحان رنت الفون

الو

= وحشتيني

_ هو أنتَ لسه فاكر أنك عرفت واحده أسمها نبأ أصلا!

= ولا مره روحتي عن بالي

_ الكلام دا تروح تقوله لعيله صغيره بيتضحك عليها بكلمتين مش أنا يا زين

= والله ما قادر علي بُعدك عني

_ لو كنت بتحبني كان زمانك بتتشقلب من يومها عشاني لكن حضرتك أزاي تتنازل وتيجي علي رامتك عيب أنتَ راجل كُله الا كرامتك أزاي تعتذر وتقول أسف مش دا كلامك اللي هتقوله طلعت شاطره أهو وبعرف أحفظ الكلام

= ممكن تسكتي وتديني فرصه أتكلم

شاهد: قصة القلب وما يريد

_ هتقول أي، هتقولي أنتِ مش ماليه عيني

= أنتِ ماليه عيني

_ هه آه عارفه عشان كدا روحت كلمت عليا بنات مش بنت واحده بس

= تتجوزيني

_ هيهزر بقي

= تتجوزيني بقول

_ أي

= أي

_ أنتَ فاضي ومش لاقي حاجه تعملها صح

= بقولك تتجوزيني يا نبأ

_ لا

= خلاص هروح أشوف عروسه تانيه

_ موافقه

= بحبك

_ مبطلتش أصلي وأدعي تكون ليا دموعي مفارقتنيش لحظه طول غيابك كنت بموت روحي كانت بتتسحب مني بالبطيئ وأنتَ بعيد عني، أنا من غيرك ولا أي حاجه بُعدك هلاك.. قولتلك وهفضل أقولك أنك ليا محور الكون حياتي واقفه من غيرك الله يخليك بلاش تبعد عني تاني أنا بموت من غيرك يا زين قصتي معاك الأهم في حياتي

= أسفه وعارف أن مفيش أي كلام يقدر يوصف أسفي ليكي لكن مش هبعد تاني وعد مني يا سِت البنات، بحبك

_ بحبك ♥